us waqt agar tum aa jaao

jab shab ke shakista zeenon se mehtab ubharnay lagta hai
jab gham ke sard alaao me umeedein bhujnay lagti hain

jab dil ke shorida samander me aawaazein marnay lagti hain
jab mosam hath nahin aatay jab titli baat nahin karti

jab zinda rehna ik be-maani kaam dihkayi deta hai
jab aane wala har lamha dushnam dikhayi deta hai

jab yaad ke gehray sannatay me chehray gum ho jaatay hain
jab dard se bojhal ankhon me gardab se parrnay lagtay hain

jab sham’ein gul ho jati hain, jab khawab bikharnay lagtay hain
us waqt agar tum aa jaao