Dukhon ki shidaten zakhmon ki gehrai mujhy de do
Maseeha tum sahi izn-e-maseehai mujhy de do
Tum apni zat mein khud anjman ho tum ko kya gham hai
Main tanha hon yeh zoq-e-bazm-e-aarai mujhy de do
Tum apny dil ke darwazy maqfal shoq se kar lo
Bas apni zat se izn-e-shanasai mujhy de do
Tumhary baad har manzar mujhy be rang lgta hai
Yeh aankhen chheen lo ya apni beenai mujhy de do
Main sanson mein samo lon ga tumhari har amanat ko
Yeh wehshat naak sanaty yeh tanhai mujhy de do
Main shaair hon mery bekaif be taseer lafzon ko
Amar kar do tum apny gham ki raanai mujhy de do
No comments:
Post a Comment