Aankhon se is liye meri lali nahi jati

Aankhon sy is liy meri lali nahin jati
Yadon sy koi raat jo khali nahin jati

Ab umar na mousam na wo rasty keh wo palty
Is dil ki magr kham khayali nahin jati

Mangy tu agar jaan bhi hans key tujhe dey don
Teri to koi baat bhi tali nahin jati

Aaye koi aa key yeh dard sanbhaly
Hum sey to yeh jagir sanbhali nahin jati

Maalom humen bhi hein bahot sey tery qissy
Har baat teri hum sey uchhali nahin jati

Humrah tery phool khilati thi jo dil mein
Ab shaam wohi dard sey khali nahin jati

Hum jaan sey jain gay tabhi baat bany gi
Tum sey to koi raah nikali nahin jati