Allah Gar Qayamat Aati Hai To Tal Jaye

Allah Gar Qayamat Aati Hai To Tal Jaye
Chhoo Li Hai Jo Barso'n Main Woh Ik Shaakh Jo Phal Jaye

Murjhaaye Koi Gul Na Sitaara Koi Tootey
Insaa'n Sambhal Jaye To Kya Kuch Na Sambhal Jaye

Kiyon Ishq Ki Us Aanch Say Dil Mom Na Ho Paayein
Pathar Ko Bhi Jis Aanch Pay Rakho To Pighal Jaye

Dushwaar Hai Inkaar Ko Inkaar Samajhna
Inkaar Say Chehray Ka Agar Rang Badal Jaye

Ghuncho'n Ko To Darkaar Hai Aaeena Sehar Ka
Shabnam Ko Ye Dar Hai K Kaheen Raat Na Dhal Jaye

Har Morr Pay Baitha Hai Ye Khoon-Khuwaar Darinda
Jo Lamha Guzar Jaye Usay Waqt Nighal Jaye

Shaa'ir Ko Ye Zid ... Chaand Say Kaam Kuch Nahi Lay Ga
Phoolon Pay Magar Ous Ko Daikhey To Behal Jaye ...