Ye Kya K Ishq Karoon Paas-e-Aabroo Na Karoon

Ye Kya K Ishq Karoon Paas-e-Aabroo Na Karoon
Main Tujh Ko Kho K, Khuda Ki Bhi Justuju Na Karoon

Main Intezaar-e-Tuloo-e-Seher Mein Jeeta Hoon
Main Apna Chaak-e-Girebaan Kubhi Raffu Na Karoon

Tu Sirf Jism Nahi Hai, Waraa-e-Jism Bhi Hai
Main Tujh Ko Paa K Bhi Kiyun Teri Aarzoo Na Karoon ?

Ghaiyoor Hoon K Ijaara Pasand Hoon, Kya Hoon ?
Main Tujhe Apnay Khuda Ke Bhi Ru-Ba-Ru Na Karoon

Ye Mashwaray To Mere Tark-e-Shair K Hain Nadeem
K Jab Bhi Shair Kahoon, Dil Lahoo Lahoo Na Karoon ...