Bichray Howey Yaroon Ki Sadaa Kyun Nahe Aati

Bichray Howey Yaroon Ki Sadaa Kyun Nahe Aati
Ab Roozn-e-Zindaa’n Say Hawa Kyun Nahe Aati

Tu Ab Bhi Salamat Hay Safar Mein Toa Musafir
Teray Leye Hontoon Par Dua Kyun Nahe Aati

Pathar Hoo Toa Kyun Khoof-e-Shab-e-Gham Say Ho Larzaa’n
Insaan Hoo Toa Jeenay Ki Aadaa Kyun Nahe Aati

Ek Pairr Kay Saaye Say Hawa Pooch Rahi Hay
Ab Dasht mein Makhlooq -e -Khuda Kyun Nahe Aati

Chehroon Peh Woh Sarsoon Ki Dhanak Kya Howi Yaroo
Hathoon Say woh Khushboo-e-Hina Kyun Nahe Aati

Bastii Mein Sabhi Log Salamath Hein Toa Mohsin
Awaaz Koi Apnay Siwa Kyun Nahe Aati