Nala-e-Faraaq

Ja Basa Maghrib Mein Akhir Ae Makan Tera Makeen

Ah! Mashriq Ki Pasand Ayi Na Iss Ko Sarzameen

Aa Gya Aaj Iss Sadaqat Ka Mere Dil Ko Yaqeen

Zulmat-e-Shab Se Zaya-e-Rouz-e-Furqat Kam Nahin

“Taaz Aghosh-e-Wadaash Dagh-e-Hairat Cheeda Ast

Humcho Shama-e-Kusta Dar Chasmam Nigah Khawabida Ast”

Kushta-e-Uzlat Hun, Abadi Mein Ghabrata Hun Main

Shehar Se Souda Ki Shiddat Mein Nikal Jata Hun Main

Yaad-e-Ayyam-e-Salaf Se Dil Ko Tarapta Hun Main

Behr-e-Taskeen Teri Janib Dorta Ata Hun Main

Ankh Go Manoos Hai Tere Dar-o-Diwar Se

Ajnabiat Hai Magar Paida Meri Raftar Se

Zarra Mere Dil Ka Khursheed Ashna Hone Ko Tha

Aaeena Toota Huwa Alamnuma Hone Ko Tha

Nakhal Meri Arzuon Ka Hara Hone Ko Tha

Ah! Kya Jane Koi Main Kya Se Kya Hone Ko Tha

Abar-e-Rehmat Daman Az Gulzar-e-Mann Barcheeda-o-Raft

And Ke Bar Ghuncha Haye Arzu Bareed-o-Raft

Tu Kahan Hai Ae Kaleem-e-Zarwa-e-Seenaye Ilm

Thi Teri Mouj-e-Nafas Baad-e-Nishat Afzaye Ilm

Ab Kahan Woh Shauq-e-Reh Pemayi-e-Sehraye Ilm

Tere Dam Se Tha Humare Sar Mein Bhi Soudaye Ilm

“Shour-e-Laila Ko Ke Baaz Araeesh-e-Souda Kunand

Khak-e-Majnu Rah Ghubar-e-Khatir-e-Sehra Kunand”

Khol De Ga Dast-e-Wehshat Uqda-e-Taqdeer Ko

Tor Kar Pohenchun Ga Main Punjab Ki Zanjeer Ko

Dekhta Hai Dida-e-Heeran Teri Tasveer Ko

Kya Tasalli Ho Magar Garvidah-e-Taqreer Ko

“Taab-e-Goyai Nahin Rakhta Dehan Tasveer Ka

Khamoshi Kehte Hai Jis Ko, Hai Sukhan Tasveer Ka”