Aaj kuch dard dil main hota hai

Aaj kuch dard dil main hota hai..
Ankh ky sath jgar bhi rota hai

Main jitna bhi ro’oun kam hai teri judai main
Tairy gham ka haq kab ada hota hai

Binai bhi khoon ban kr tapakti rahi hai
Phr bhi ashk’on ko ankh sy gila hota hai

Hansty hansty tery khayal sy ro daity hain
Hum chahty kia hain aur kia hota hai

Suna hai in par mehshar ki dhoop bhi kuch asar nahi karti
Jin ka dil ishq sy jala hota hai