Ab k waQt ki mohlat

Ab k waQt ki mohlat
khatm honey waali hey
khawaab ke sabhi Taai’r
aankh ke dareechey sey

gir k marney waaley heiN
sabz aas beloN ke……
paat jhaRney waaley heiN
zindagi ke maathey par

zard paRtey hontoN sey
saans aakhri bossa
dey ke jaaney waali hey
kuch hi pal tou baaQi heiN

ab k waQt kii mohlat…….
khatm honey waali hey
kon shakhs aaya hey
khaawaab haath meiN thaamey

ye yaQeeN dilaaney ko
k agar meiN ruk jaaouN
gar zara si mohlat ho
Zakhm silney waaley heiN

Phool khilney waaley heiN
ussko kaesey samjhaaouN
uss ney deir kar di hey
kuch hi pal tou baaQi heiN
kuch hi pal tou baaqi they…
ab ke waqt ki mohlat……