Mera chaara-gar raha be-khabar

Mera chaara-gar raha be-khabar…
Wuh tou dooriyoN ko dawa kahey
MajbooriyoN ko raza kahey
Jo main an-kahi ko kahun zeher 
To wuh aagahi ko saza kahe

Mera chaara-gar raha be-khabar… 
Wuhi be-qaraari ki saa’atein 
Wuhi be-samar meri chaahatein 
Nahin khaamshi ko gumaan bhi 
K taras rahi hain samaa’atein

Mera chaara-gar raha be-khabar… 
Iss shab ki koi sahar nahin 
Mere dil pe uss ki nazar nahin 
Nahin merey bakht mein chahatein 
In haqeeqatoN sey mafar nahin

Mera chaara-gar raha bekhabar…