ajab paagal sa larka hai

ajab pagal sa larka hai
meri nazmoun maiN ghazlooN maiN
wo apna aap dhoundhe hai
meri aankhooN maiN jhanke hai
meri baatooN ko jaanche hai
ajab paagal sa larka hay

ajab paagal sa larka hai
wo kaaghaz aur qalam thaa’may
mere khaa’ke banata hai
meri aankhoun maiN aksar jhaank kar
wo kuch gungunata hai
ajab paagal sa larka hai

ajab paagal sa larka hay
ajab paagal si main bhi hooN
apne shairooN main misroun maiN
to maiN yuuN yaad karti hooN

khawaboun ke jazeeroun maiN
usse aabad rakhti hooN
barahey’rast kehne se
magar haan maiN bhi darti hooN
ajab paagal sa larka hai
ajab paagal si main bhi hooN