دل کے ایواں میں لیے گل شدہ شمعوں کی قطار

دل کے ایواں میں لیے گل شدہ شمعوں کی قطار 
نور ِ خورشید سے سہمے ہوئے اکتائے ہوئے 
حسن ِ حسن ِ محبوب کے سیال تصور کی طرح 

اپنی تاریکی کو بھینچے ہوئے لیپٹائے ہوئے 
غایت ِ سود و زیاں ، صورت ِ آغاز و مال 
وہی بے سود تجسس ، وہی بے کار سوال مضمحل ساعت امروز کی بے رنگی سے 

یاد ِ ما ضی سے غمگیں، وحشتِ فردا سے نڈھال 
تشنہ ِ افکار جو تسکین نہیں پاتے ہیں 
سوختہ اشک جو آنکھوں میں نہیں آتے ہیں 

اک کڑا درد جو گیت میں ڈھلتا ہی نہیں 
دل کے تاریک شگافوں سے نکلتا ہی نہیں 
اور ایک الجھی ہوئی موہوم سی درماں کی تلاش 
دشت و زنداں کی ہوس چاک ِ گریباں کی تلاش