Hum sabhi khawab churate teri aankhoN se magars

Hum sabhi khawab churate teri aankhoN se magar,
teri palkoN ko khabardar na hone daite,

hum sabhi rang churate tere chehry se magar,
be-asar tere lab-o-rukhsar na hone daite,

tujh se milte teri saansoN se mila kar saansaiN,
aik be saans gunahgar na hone daite,

hum tujhe dukh bhe sunaate tu lateefoN ki tarha,
hum tabeyat teri bezaar na hone daite,

hum girhaiN kholte sub teri shanasaai ki,
tujhko is tarha pur-israar na hone daite.