hum tu aankhoN maiN sanwartey haiN wohi sanwraiN gaiN

teer nazarooN k tu palkoon ki kamaa’N rakhay haiN
in ki kia baat hai phoolooN ki zubaa’N rakhay haiN

hum tu aankhoN maiN sanwartey haiN wohi sanwraiN gaiN
hum nahi jaantey aa’enay kahaN rakhay haiN

dil kabhi rait ka sahil nahi honay daitey
hum ne mahfooz wo qadmooN k nishaa’N rakhay haiN

jiN pe tahreer hai bachpaN ki mohabat apni
ab meray ghar k wo darwazay kahaN rakhay haiN