Muhabbat rooth jaye tu kabhii jeeney nahi deti

Wafa jub maslehet ki shaal oorhay
Surd rut ka roop dharay
Dil k aangan mein utertii hai
Tu palko`n pe sitaro`n ki dhunk muskanay lagtii hai

Kisii ke sung beete an-gintt lamho`n ki zanjeerien
Achanak zehn mein jub gungunatii hein
Nafs ke taar mein sannata yakdum cheekh uth-taa hai
Tu youn mehsoos hota hai

Hawaein aa ke sargooshii sii kertii hain
Muhabbat ka tumhien adraak abb tu ho gaya ho ga
Ye jo bhee zakhm detii hai kabhi silne nahi deti
Muhabbat rooth jaye tu kabhii jeeney nahi deti