Shaher ki raat aur main naashaad-o-nakaraa phiru
Jagmagaati jaagati sadakon pe avaara phiru
Gair ki basti hai kab tak dar badar mara phiru
Ai Gam-e-dil kyaa karu, Ai vehshat-e-dil kyaa karu.
Jagmagaati jaagati sadakon pe avaara phiru
Gair ki basti hai kab tak dar badar mara phiru
Ai Gam-e-dil kyaa karu, Ai vehshat-e-dil kyaa karu.
Jhilmilate qumqumon ki raah mein zanjeer si
Raat ke haathon mein din ki mohani tasveer si
Mere seene par magar chalati hui shamasheer si
Ai Gam-e-dil kyaa karu, Ai vahashat-e-dil kyaa karu
Raat ke haathon mein din ki mohani tasveer si
Mere seene par magar chalati hui shamasheer si
Ai Gam-e-dil kyaa karu, Ai vahashat-e-dil kyaa karu
Ye rupahali chhaaon ye aakaash par taaron ka jaal
Jaise sufi ka tasavvur jaise aashiq ka Khayaal
Aah lekin kaun jaane kaun samajhe ji kaa haal
Ai Gam-e-dil kyaa karu, Ai vehshat-e-dil kyaa karu
Jaise sufi ka tasavvur jaise aashiq ka Khayaal
Aah lekin kaun jaane kaun samajhe ji kaa haal
Ai Gam-e-dil kyaa karu, Ai vehshat-e-dil kyaa karu
Phir vo Toota ik sitara phir vo chuyi phuljhadi
Jaane kis ki god mein aaye ye moti ki ladi
Hounk si seene mein uthi chot si dil par padi
Ai Gam-e-dil kyaa karu, Ai vehshat-e-dil kyaa karu
Jaane kis ki god mein aaye ye moti ki ladi
Hounk si seene mein uthi chot si dil par padi
Ai Gam-e-dil kyaa karu, Ai vehshat-e-dil kyaa karu
Raat hans hans kar ye kehti hai ke maikhane mein chal
Phir kisi shahnaaz-e-laalaarukh ke kaashaane mein chal
ye nahin mumkin to phir ai dost viraane mein chal
Ai Gam-e-dil kyaa karu, Ai vehshat-e-dil kyaa karu
Phir kisi shahnaaz-e-laalaarukh ke kaashaane mein chal
ye nahin mumkin to phir ai dost viraane mein chal
Ai Gam-e-dil kyaa karu, Ai vehshat-e-dil kyaa karu
Har taraf bikhri hui rangeeniya ranaiya
Har qadam par isharaten leti hui angdaiyan
Badh rahi hai god phailaaye hui rusavaiyan
Ai Gam-e-dil kyaa karu, Ai vehshat-e-dil kyaa karu
Har qadam par isharaten leti hui angdaiyan
Badh rahi hai god phailaaye hui rusavaiyan
Ai Gam-e-dil kyaa karu, Ai vehshat-e-dil kyaa karu
Raaste mein ruk ke dam le lun meri aadat nahi
LauT kar vaapas chalaa jaau meri fitrat nahi
Aur koi hamnava mil jaaye ye qismat nahin
Ai Gam-e-dil kyaa karu, Ai vehshat-e-dil kyaa karu
LauT kar vaapas chalaa jaau meri fitrat nahi
Aur koi hamnava mil jaaye ye qismat nahin
Ai Gam-e-dil kyaa karu, Ai vehshat-e-dil kyaa karu
Muntazir hai ek tufaan-e-bala mere liye
Ab bhi jaane kitne darvaaze hai vaha mere liye
Par musibat hai mera ahed-e-vafa mere liye
Ai Gam-e-dil kyaa karu, Ai vehshat-e-dil kyaa karu
Ab bhi jaane kitne darvaaze hai vaha mere liye
Par musibat hai mera ahed-e-vafa mere liye
Ai Gam-e-dil kyaa karu, Ai vehshat-e-dil kyaa karu
Ji mein aata hai ki ab ahed-e-vafa bhi tod du
Un ko pa sakta hu main ye aasara bhi chod du
Haan munasib hai ye zanjeer-e-hava bhi tod du
Ai Gam-e-dil kyaa karu, Ai vehshat-e-dil kyaa karu
Un ko pa sakta hu main ye aasara bhi chod du
Haan munasib hai ye zanjeer-e-hava bhi tod du
Ai Gam-e-dil kyaa karu, Ai vehshat-e-dil kyaa karu
Ek mahal ki aaa se nikala vo pila mahtaab
Jaise mullah ka amamaa jaise baniye ki kitaab
Jaise muflis ki javani jaise bevaa ka shabaab
Ai Gam-e-dil kyaa karu, Ai vehshat-e-dil kyaa karu
Jaise mullah ka amamaa jaise baniye ki kitaab
Jaise muflis ki javani jaise bevaa ka shabaab
Ai Gam-e-dil kyaa karu, Ai vehshat-e-dil kyaa karu
Dil me ek shola bhadak uthaa hai aakhir kya karu
Meraa paimana chalak uthaa hai aakhir kya karu
Zakhm seene ka mahek uthaa hai aakhir kya karu
Ai Gam-e-dil kyaa karu, Ai vehshat-e-dil kyaa karu
Meraa paimana chalak uthaa hai aakhir kya karu
Zakhm seene ka mahek uthaa hai aakhir kya karu
Ai Gam-e-dil kyaa karu, Ai vehshat-e-dil kyaa karu
Muflisi aur ye mazahir hain nazar ke saamane
Saikdon changez-o-naadir hain nazar ke saamane
saikdon sultan jabar hain nazar ke saamane
Ai Gam-e-dil kyaa karu, Ai vehshat-e-dil kyaa karu
Saikdon changez-o-naadir hain nazar ke saamane
saikdon sultan jabar hain nazar ke saamane
Ai Gam-e-dil kyaa karu, Ai vehshat-e-dil kyaa karu
Le ke ek changez ke haathon se khanjar tod du
Taaj par us ke damakata hai jo patthar tod du
Koi tode ya na tode main hi badhkar tod duu
Ai Gam-e-dil kyaa karu, Ai vehshat-e-dil kyaa karu
Taaj par us ke damakata hai jo patthar tod du
Koi tode ya na tode main hi badhkar tod duu
Ai Gam-e-dil kyaa karu, Ai vehshat-e-dil kyaa karu
Badh ke is indar-sabhaa kaa saaz-o-saamaan phunk du
Is ka gulshan phunk du, us ka shabistan phuk du
Takht-e-sultan kya, main saaraa qasr-e-sultan phunk du
Ai Gam-e-dil kyaa karu, Ai vehshat-e-dil kyaa karu
Is ka gulshan phunk du, us ka shabistan phuk du
Takht-e-sultan kya, main saaraa qasr-e-sultan phunk du
Ai Gam-e-dil kyaa karu, Ai vehshat-e-dil kyaa karu
Ji mein aataa hai ye murdaa chaand-taare noch lu
Is kinaare noch lun aur us kinaare noch lu
Ek do ka zikr kya, saare ke saare noch lu
Ai Gam-e-dil kyaa karu, Ai vehshat-e-dil kyaa karu
Is kinaare noch lun aur us kinaare noch lu
Ek do ka zikr kya, saare ke saare noch lu
Ai Gam-e-dil kyaa karu, Ai vehshat-e-dil kyaa karu
No comments:
Post a Comment