abhi aik khawab baqi hai

abhi jugnoo nahi rootheY
abhi aansoo nahi tootey
abhi suraj nahi jagaa
abhi taa’Ray nahi doobay
abhi mehtaab baaqi hai
abhi ik khawab baaqi hai

abhi manzil nahi aa’ee
abhi rastaa nahi thehRa
abhi jungal nahi guzRa
abhi daR’yaa nahi utRaa
abhi gaRdaab baqi hai
abhi aik khawab baqi hai

abhi toofaa’N nahi thehRa
abhi aankhooN maiN jal-thal hai
abhi seenay maiN halchal hai
abhi khiRki maiN baaRish hai
abhi kamRay maiN badal hai
abhi baRfaab baqi hai
abhi aik khawab baqi hai

abhi qisa adhooRa hai
abhi puRi kahani hai
abhi jheelooN maiN paNi hai
abhi rastey maiN daldal hai
abhi paayaab baqi hai
abhi aik khawab baqi hai