Isqadar tez roshni kub thi

Isqadar tez roshni kub thi
woh tu hum thay kay bund aankho’n mai’n,
chund jugnoo jala’ay phirtay thay
warna taareek shub ke jungle mai’n

tund khoo veham say ataay rustay
aablo’n ke lahoo say maqtil thay
warna bai-simt aandhiyo’n kaa mizaaj
kon jaa nay kay kitna barham tha?

jis say khaa’if thay humsafar apnay
jo siyah shub kay surd maathay per
zard lamhay saja’aay phirtay thay
Ek aansoo-wo kum numaa aansoo

uss ko sooraj bana’ay phirtay thay
Isqadar tez roshni kub thi?…..”