Yak Tarfa Mohabbat To Mohabbat Nahi Hotii

Yak Tarfa Mohabbat To Mohabbat Nahi Hotii
Woh Raazi Na Ho Aisey Ibadat Nahi Hotii

Aae Kaash K Bas Too Mujhey Apney Liye Chun Ley
Dunya Kii Mohabbat Pey Qana’at Nahi Hotii

Khud Apni Nigahoun Sey Kaii Baar Gira Main
Aisey Mein Bhi Mujh Sey Usey Nafrat Nahi Hotii

Haan Ilmm Mujhey Hai K Main Khud-Gharz Bohet Hon
Us Ko Meray Sajdoun Kii Zaroorat Nahi Hotii

Zaamin Hai Wohii Jis Kii Amanat Hain Yeh Sansien
So Kitni Bhi Bojhal Hon Shikayet Nahi Hotii

Too Chahey To Kam Kar Dey Usey Chahey Barha Dey
Mujh Sey To Teray Dukh Mein Khayanet Nahi Hotii