meri nigahoN sey baat karna koi to seekhey

Udaas logoN sey pyaar karna koi to seekhey
sufeyd lamhoN meiN rang bharna koi to seekhey

koi to aaey khizaaN meiN pattey ugaaney waala
guloN ki khusbu ko qaed karna koi to seekhey

koi dikhaaey mohabbatoN ke saraab mujh ko
meri nigahoN sey baat karna koi to seekhey

koi to aaey nai rutoN ka payaam ley kar
andheri raatoN meiN chaand ban’na koi to seekhey

koi peghambar, koi imaam-e-zamaaN hi aaey
aseer sochoN meiN soch bharna koi to seekhey