vo Khvaab thaa bikhaR gayaa khayaal tha mila nahiN

vo Khvaab thaa bikhaR gay’aa khayaal tha mila nahiN
magaR ai dil ko kyaa huaa kyoN bujh gay’aa pata nahiN

har ek diN udaas diN tamaam shab udaa’siyaaN
kisi se kya bichaR gaye k jaise kuch bachaa nahiN

vo saath thaa to manzileiN nazaR nazaR chiraaG thee’N
qadam qadam safaR meiN ab koi bhi lab duaa nahiN

ham apane is mizaaj meiN kahiN bhi ghar na ho sake
kisi se ham mile nahiN kisi se dil milaa nahiN

hai shor-saa taRaf taRaf ki sarhadoN ki jang meiN
zamee’N pe aadmi nahiN falak pe kyaa Khudaa nahiN