Aisa Hota Hai Khayalo Me Aksar

Aisa Hota Hai Khayalo Me Aksar 
Tujhko Sochu To Behak Jaati Hu,

Meri Rooh Me Basi Hai Teri Khusboo 
Tujhko Dhundu To Mehak Jaati Hu,

Muskurahat Se Teri Roshan Hai Savera Mera
Ban Ke Hasi Labo Pe Tere Khil Jaati Hu,

Sadagi Me Teri Ho Ke Chur
Sang Tere Mai Puri Ho Jaati Hu,

Chhaya Hai Beshumar Teri Shayariyo Ka Khumar Mujhpe
Ab Toh Bas Asar Tera Hone Laga Hai,

Mai To Rahi Na Mai Tu Shayar Deewana
Tujhse Judke Mai Teri Shayari Ban Jati Hu,

Dil Karta Hai Tujhe Beintehaa Pyar Karu
Par Ab To Tere Deedar Ko Taras Jaati Hu,

Hosh Na Rahe Itna Tutke Chahu Ke
Har Pal Tere Pyar Me Madhosh Ho Jaati Hu,

Milne Ko Tujhse Ab Banau Mai Bahane Hazar
Dekh Sanam Thi Mai Kitni Bholi Si
Ab Tere Liye Duniya Se Lad Jaati Hu,

Teri Mohabbat Me Duniya Bhula Baithi Hu Ek
Tu Hai Mera Aashiq Aur Mai Teri Aashiqui Ban Jaati Hu,,,