Kitni Zulfein Khuleen Kitnay Aanchal Urray ?
Chand Ko Kiya Khabar
Kitna Maatam Hua Kitnay Aansu Bahay ?
Chand Ko Kiya Khabar
Muddaton Us Ki Khuwahish Mein Chaltay
Rahey Haath Aata Nahi
Chah Mein Is Ki Pairon Mein Hain Aablay !
Chand Ko Kiya Khabar
Wo Jo Nikla Nahi To Bhataktay
Rahey Hain Musafir Kai
Aur Lut'tay Rahey Hain Kai Qaafilay !
Chand Ko Kiya Khabar
Wo To Apni Nagri Mein Madhosh Hai
Kab Say Khamosh Hai
Kon Raja Bana Kitnay Syed Lutey ?
Chand Ko Kiya Khabar
Is Ko Daawa Bohot Meethe-Pan Ka
Wasi Chandni Se Kaho
Is Ki Kiranon Se Kitne Hi Ghar Jal Gaye
Chand Ko Kiya Khabar ...
No comments:
Post a Comment