Pyaar Ka Meetha Ehsaas Dilaane Lagi Hai Tu

Pyaar Ka Meetha Ehsaas Dilaane Lagi Hai Tu
Ab To Mujh Se Mujhi Ko Churane Lagi Hai Tu,

Teri Chahto Ka chhaya Hai Suroor Is Kadar
Har Pal Har Jagah Nazar Aane Lagi Hai Tu,

Veeraan Thi Ye Zindagi Tere Aane Ae Pehle
Khushiyo Ke Sapne Mujhe Dikhaane Lagi Hai Tu,

Har Pal Mujhe Hota Hai Bas Tera Hi Ehsaas
Is Kadar Meri Saanso Me Samaane Lagi Hai Tu,

Ek Pal Ki Bhi Doori Seh Nahi Paata Hu Mai
Hoke Judaa Kyo Mujhe Azmaane Lagi Hai Tu,

Raah Chalte Huye Aksar Hota Hai Ye Gumaan
Ke Ban Ke Saaya Saath Mere Aane Lagi Hai Tu,

Naam Koi Bhi Lu To Naam Aaye Tera Labo Pe
Ban Ke Jaadu Meri Rooh Me Samaane Lagi Hai Tu,

Jaane Kaun Si Dor Hai Teri Or Kheench Le Jaati Hai
Mujh Ko Apna Deewana Banaane Lagi Hai Tu,

Akele Me Aksar Hota Hai Ye Mehsoos Mujhe
Chhor Ke Duniya Meri Baaho Me Samaane Lagi Hai Tu,

Ye To Bataa Ke Kya Naam Du Iss Deewangi Ko
Bechain Kar Ke Har Lamha Mujhe Tadpaane Lagi Hai Tu,

Tere Khayalo Se Mehekne Lagti Hai Zindagi Meri
Mere Dil Pe Iss Kadar Chhaane Lagi Hai Tu,

Ye Masoomiyat Ye Bholapan Ye Saadgi Teri
Mujh Ko Har Adaa Se Ab Sataane Lagi Hai Tu,

Kya Iss Baat Ka Tujhe Ehsaas Hai Jaan
Mere Har Sher Me Har Gazal Me Aane Lagi Hai Tu,,,,,