Hamaray Baad Chali Rasm-e-Dosti K Nahe

Hamaray Baad Chali Rasm-e-Dosti K Nahe
Hawa Ki Zad mein Koi Shama Pir Jali K Nahe

Bichar k Jab B Milay Mujse , Pochta Hay Woh Shaks
K In Dinoo Koi Taza Ghazal Huwi K Nahe

Suna Hay Aam Thi Kal Shab Ko Chaand Ki Bakhshish
Bhujey Gharoon Mein bhi Uthri Hay Chandni k Nahe

Nikal K Jissey Huwa Apna Dard Awara
Kisi K Dil Mein Woh Mehfil bhi Phir Saji K Nahe

Woh Reh-guzar Jo Andheroon Mein Saans Leti Thi
Tumharay Naqsh-e-Qadam Se Chamak Utti K Nahe

Diyaar-e-Hijar Se Aaye Ho Kuch Kaho MOHSIN
K Shaam-e-Ghum bhi Kisi Morr Par Mili K Nahe