Teri aankhon ke haseen jaal mein aajaon ga main

Teri aankhon ke haseen jaal mein aajaon ga main,

Mujh ko lagta hai teri chaal main aajaon ga main,

Zindagi baad tere hona thi mushkil lekin,

Yeh na socha ke is haal mein ajaon ga main,

Dekh kar us ko mujhe yad kare gi dunya,

Aik din us ke had’o'haal mein aajaon ga main,

Kitne mausam they jo de kar mujhe taanay guzre,

Tum to kehte they ke ik saal mein ajaon ga main,

Sur mein ajaye ga jeevan tere aa jane se,

Tere aaney se kisi taal mein aajaon ga main,