Agar ham khawab ho jatay

Agar ham khawab ho jatay
Tou kis ney aa kay kahna tha,

k tum tabeer ban jao,miri taqdeer ban jao,
aagar ham phool ban jatay,

tou kis ney aa kay ham ko khushbo'on ki daad deyni thi?
hamein anfaas ki poron sey choona tha,

sawaar ham ko hawa k dosh karna tha,
hamein madhosh karna tha,

agar ham chand khelata tou kis ney aa kay kahna tha?
tumhari sari kirnein noor k taaron sey likhi hein,
yeh sab hein aayeenon jesi,


tumhein youn aasmaan k in sitaron mein
chamakna kaisa lagta hai?

tumhein yak'dam kisi kachay sey aangan mein,
utarna kaisa lagta hai,

agar khushbu hamara naam ho jata,
tou kis ney aa ka kahna tha,

hawaon par koi pagham likh jao,
hamaray naam likh jao,

fana ko choo k bhi tum ko,
baqa ka yeh hunar kis ney sikhaya hai?

tumhein baykhud bananay ka, saleeqa kesay aaya hai?
tumhein phoolon k seenay mein, mahkna kaisa lagta hai,

magar ham kuch nahe janaan!
kahan khushbu ki soorat hein,

kahan ham phool jesay hein,
kahan hein chaand ka partoy,

k ham tou dhool jesay hein
mitti taqdeer jesay hein, faqat ham heer jesay hein