Falsafa-o-Mazhab

Ye Aftab Kya, Ye Sepehr-e-Bareen Hai Kya!

Samjha Nahin Tasalsul-e-Sham-o-Sehar Ko Main

Apne Watan Mein Hun Ke Ghareeb-Ud-Diyar Hun

Darta Hun Dekh Dekh Ke Iss Dast-o-Dar Ko Main

Khulta Nahin Mere Safar-e-Zindagi Ka Raaz

Laun Kahan Se Banda-e-Sahib Nazar Ko Main

Heeran Hai Bu Ali Ke Main Aya Kahan Se Hun

Rumi Ye Sochta Hai Ke Jaun Kidhar Ko Main

“Jata Hun Thori Door Har Ek Rahroo Ke Sath

Pehchanta Nahin Hun Abhi Rahbar Ko Main”