Tatari Ka Khawab

Kahin Sajjada-o-Umama Rahzan

Kahin Tarsa Bachon Ki Chashme-e-Bebaak!

Ridaye Deen-o-Millat Para Para

Qabaye Mulk-o-Doulat Chaak Dar Chaak!

Mera Eiman To Hai Baqi-o-Lekin

Na Kha Jaye Kahin Shuale Ko Khashaak!

Hawa-e-Tund Ki Moujon Mein Mehsoor

Samar-o-Bukhara Ki Kaf-e-Khak!

"Bagar Da Gard-e-Khud Chandan Ke Beenam

Bila Anghastari-o-Mann Nageenam”

Yakayak Hil Gyi Khak-e-Samar Qand

Utha Taimoor Ki Turbat Se Ek Noor

Shafaq Amaiz Thi Uss Ki Safaidi

Sada Ayi Ke “Main Hun Rooh-e-Taimoor

Agar Mehsoor Hain Mardan-e-Tatar

Nahin Allah Ki Taqdeer Mehsoor

Taqaza Zindagi Ka Kya Yehi Hai

Ke Turani Ho Turani Se Mehjoor?

‘Khudi Ra Souz-o-Ta Be Degare Dah

Jahan Ra Inqilabe Degare Dah”