Is zindagi ki raah per

Is zindagi ki raah per
Milo tum mujh say kabhi agar
Na aankhon main shanasaayie ho
Na ho naam mera honton per

Yoon guzro jaisay keh ajnabi
Na milaana tum mujh say nazar
Ke aankhain hain meri bewafa
Yeh raaz na tum peh khol dain

Jo aansoo hain rukay howay
Palkon kay band na torr dain
Tum m’urr kar bhi na mujh ko dekhna
Ke kiya khabar woh ik nazar

Mujhay phir say dagmaga na day
Phir ik baar meray seenay main
Ik aur zakhm laga na day
To suno na bhool jana tum

Kisi raah per milo jo tum kabhi
Guzar jaao ke jaisay ajnabi