Kabhi Iss Nagar Tujhey Dhoondna, Kabhi Uss Nagar Tujhey Dhoondna
Kabhi Raat-Bhar Tujhey Souchna, Kabhi Raat Bhar Tujhey Dhoondna
Mujhey Jaa-Ba-Jaa Teri Justujoo, Tujhey Dhoondta Hoon Mein Koo-Ba-Koo
Kahaan Khul Saka Teray Roo-Ba-Roo, Mera Iss Qadar Tujhey Dhoondna
Mera Khwaab Tha Ke Khayaal Thaa, Woo Urooj Thaa Ke Zawaal Thaa
Kabhi Farsh Per Tujhey Dhoondna, Kabhi Arsh Per Tujhey Dhoondna
Yahaa’n Har Kisi Sey He Bair Hai, Tera Shehar Qarya-E-Ghair Hai
Yahaa’n Sehal Bhi Tou Nahi’n Koi, Meray Bey-Khabar Tujhey Dhoondna
Teri Yaad Aa’ee Tou Rou Diyaa, Jo Tuu Mil Gayaa Tujhey Khhou Diyaa
Meray Silsiley Bhi Ajeeb Hai’n, Tujhey Chhour Ker Tujhey Dhoondna
Yeh Meri Nazar Ka Kamaal Hai Ke Meri Nazar Ka Jamaal Hai
Tujhey Sher Sher Mei’n Souchna, Sar-E-Baam-O-Dar Tujhey Dhoondna
No comments:
Post a Comment