Mujhay Khud Say Hain Shikayatien Mujhay Zindgii Say Gilla Nahien
K Jo Chaha Main Nay Wo Paa Liya Nahien Aisa Kuch Jo Milla Nahien
Meray Aass Pass Hai Roshnii Meray Raaston Mein Chiragh Hain
Yeh Teray Karam Ka Hai Mojza Meri Justajoo Ka Silla Nahien
Teri Aankh Say Jo Haseen Ho Wo Nigah Jag Mein Banii Nahien
Teray Rukh Ko Jis Say Misaal Doon Koii Aisa Phool Khila Nahien
Yeh Jo Teri Zulf Ka Hai Haashiya, Yeh Jo Tera Chehra Hai Khush-Numa
Koii Raat Aisi Siyaah Nahien Kisi Subah Mein Yeh Jilla Nahien
Yeh Jo Mehr O Mah Kii Hain Halatien Yeh Jo Aaiyenon Kii Hain Khairatien
Hain Azal Say Sab Yeh Isii Trah Koii Apnii Jaa Say Hilla Nahien
No comments:
Post a Comment