Ragoon ko toor na dalay kaheen ya saanata

Kaheen nahi hai ishara bhi kisi aahat ka
Wohi hai dard wohi intazar-e-aakhir-e-shab

Hawa guzarti hai galyoon say sharam saar si kuch
K aaj bhi koi khushbo nahi woh laa payee !!

Sitaray dasht-e-falak main bikhartay jatay hain 
Diloon main phailti jati hai koi tanhai

Taani ha daira dar daira woh tareeki
Kisi taraf ko koi rasta nahi jata !!

Zameen say kon kahay ab k hum say baat tu kar
Ragoon ko toor na dalay kaheen ya saanata..!!