wohi takraar lafzoN ki

wohi tak’raar lafzoN ki
wohi andeshey fursat k
wohi anjan si dastak
wohi her baat pe ranjish

wohi likhna hamare naam ko be-rehm mojo’n per
hamare samne kache gharonde torh kar hansna
wohi muskan dhimi si
wohi kuch bolti ankheiN

wohi chup chap sa lehja
wohi be-chain si hulchul
wohi kehne se kuch darna
wohi saa’ey se ghabrana

sub he aksar ye kehte hain
humeiN un sey mohabbat hai…