Chandani raat k hathoon pe sawar utri hai
koi khushbo meri dehliz k paar utri hai
is main kuch rang bhi hain,khwab bhi khushboiyen bhi
jhilmilati huiye khwahish bhi,arzoiyen bhi
isi khushbo main kai dard bhi afsane bhi
mere anchal pe umeedon ki qatar utri hai
koi khushbo meri dahliz k paar utri hai
isi khoshbo se kisi yaad k dar khulte hain
mere peroon se jo lipte tu safar khulte hain
yehi khushbo jo mujhe ghar se utha laiye thi
ab kisi taur palat kar nahi jane deti
meri dehliz bulati hai mujhe laut aao
yehi khsuhbo mujhe wapis nahi ane deti
ranj aur dard main doobi ye bahar utri hai
koi khushbo meri dehliz k paar utri hai
No comments:
Post a Comment