Na Mein Pass Us Ko Bula Saka, Na Mein Dil Ki Baat Suna Saka

Na Mein Pass Us Ko Bula Saka, Na Mein Dil Ki Baat Suna Saka
Woh Hansi Hansi Mein Hi Chala Gaya Mein Hath Tak Na Hila Saka

Mujhey Kia Khabar K Woh Kiya Hua Mujhey Itna Gehra Khumar Tha
Mein Khara Tha Us K Hisaar Mein Meray Ird Gird Ghubar Tha
Yunhi Sochta Raha Buhat Dair Tak Magar Us Ko Kuch Na Bata Saka
Woh Hansi Hansi Mein Hi Chala Gaya Mein Hath Tak Na Hila Saka

Na Hai Dosti Kisi Din Se, Na Hai Dosti Kisi Raat Se
Hai Bacha Hi Kiya Jo Woh Le Gaya Mujhey Cheen Kar Meri Zaat Se
Yeh Mukaam Hi Tha Ajeeb Sa Mein Khud Ko Na Bacha Saka
Woh Hansi Hansi Mein Hi Chala Gaya Mein Hath Tak Na Hila Saka

Yeh Bhi Theek Hai K Woh Chala Gaya Mujhay Band Raastay Pe Chor Kar
Yeh Bhi Theek Hai K Na Aaye Ga Woh Kabhi Buut Ana Ka Tor Kar
Woh Juda Bhi Kaisay Huwa, Main Koi Rasm Bhi Na Nibha Saka
Woh Hansi Hansi Mein Hi Chala Gaya Mein Hath Tak Na Hila Saka