Syed Ki Loh-e-Turbat

Ae Ke Tera Murgh-e-Jaan Taar-e-Nafas Mein Hai Aseer

Ae Ke Teri Rooh Rooh Ka Taeer Qafas Mein Hai Aseer

Iss Chaman Ke Naghma Pairaon Ki Azadi To Dekh

Sheher Jo Ujra Huwa Tha, Uss Ki Abadi To Dekh

Fikr Rehti Thi Mujhe Jis Ki Woh Mehfil Hai Yehi

Sabr-o-Istaqlaal Ki Khaiti Ka Hasil Hai Yehi

Sang-e-Turbat Hai Mera Gerwida-e-Taqreer Dekh

Chashm-e-Batin Se Zara Iss Loh Ki Tehreer Dekh

Mudda Tera Agar Dunya Mein Hai Taleem-e-Den

Turk-e-Dunya Qoum Ko Apni Na Sikhlana Kahin

Wa Na Karna Firqa Bandi Ke Liye Apni Zuban

Chup Ke Hai Baitha Huwa Hangama-e-Mehshar Yahan

Wasl Ke Asbab Paida Hon Teri Tehreer Se

Dekh! Koi Dil Na Dukh Jaye Teri Taqreer Se

Mehfil-e-Nau Mein Purani Dastanon Ko Na Chhair

Rang Par Jawab Na Ayen Un Afsanon Ko Na Chhair

Tu Agar Koi Mudabbar Hai To Sun Meri Sada

Hai Dalairi Dast-e-Arbab-e-Siasat Ka Asa

Arz-e-Matlab Se Jhijhak Jana Nahin Zaiba Tujhe

Naik Hai Niyyat Agar Teri To Kya Parwa Tujhe

Banda-e-Momin Ka Dil Beem-o-Riya Se Paak Hai

Quwwat-e-Farman-Rawa Ke Samne Bebaak Hai

Ho Agar Hathon Mein Tere Khana-e-Maujiz Raqam

Sheesha-e-Dil  Ho Agar Tera Misal-e-Jaam-o-Jam

Paak Rakh Apni Zuban, Talmeez-e-Rehmani Hai Tu

Ho Na Jaye Dekhna Teri Sada Be-Abru!

Sone Walon Ko Jaga De Shair Ke Ejaz Se

Khirman-e-Batil Jala De Shaola-e-Awaz Se