Hum Kaisay Pagal Hotay Thay

Ek Phool Ko choonay Ki Khatir, Kaanton say Zakhmi Hotay Thay
Jo Phool Jholi Main Aa Girta, usay Choonay Se Dar Jatay Thay
Hum Kaisay Pagal Hotay Thay

K Dhundlay Aaeeno Main Apna, hum Aks Sa Dhoonda Kartay Thay
Aur Kirchiyaan Chatkhay Aaeeno Ki Muthii Main Daba Kar Rakhtay Thay
Hum Kaisay Pagal Hotay Thay

Jab Sarak Pe Chlna Hota Tha, Hum Kashti Le Kar Chaltay Thay
Aur Beech Bhanwar Janay Ke Liye, Hum Paidal Nikla Kartay Thay
Hum Kaisay Pagal Hotay Thay

Jab Barish Barsa Karti Thi, Hum Chatri Main Chup Jatay Thay
Aur Jalti Dhoop Main Nangay Sir Hum Chat Pe Uchla Kartay Thay
Hum Kaisay Pagal Hotay Thay

Jab Sari duniya Soti Thi, Hum Chand Se Khaila Kartay Thay
Jab Sari Duniya Jaag Uthti, Hum Thak Kar Phir So Jatay Thay
Hum Kaisay Pagal Hotay Thay……
HUM AJ BHI WESAY PAGAL HAIN….