mujhey bakhsh dey aey meray khuda

yeh meray leye to azaab hai mujhey bakhsh dey
aey meray khuda bhala kab talak main sahon bata
yeh azaab e jaan jo hai sookhta
main ney mana mujh sey khata hoii

mujhey zindgii jo aata hoii isay main ney apney hii haath sey
youn ganwa deya k hoii fanna meri zaat zara e be-nishaan
aae meray khuda mujhey aisa koii sooragh dey
k tera nishan main paa sakoun mujhey koii aisii raah sujha

k main khud ko raah pey laa sakon
meri tishna rooh ko qarar dey
meri bigrii dunya sanwar dey
meray malik itni saza bohet
mujhey kuch khushi to udhaar dey