Yeh jo qurbaton ka khumaar hai

Mery ajnabi mery aashna

Tu musir k aaina khany mein

Tiry khal-o-khad ke siwa mujhy

Kahen aor kuch nah dikhai de

yeh azaab-e-tauq-o-rasan mira

Kisi qasr-e-khwab-o-khyal tak

Mery zehn ko nah rasai day

Mujhy rasta na sujhai de

To yeh chat jo apny saron pe hai

Yeh jo baam-o-dar ke hisaar hein

Yeh jo rat jagon ki bahar hai

Yeh jo qurbaton ka khumaar hai

To isi pe kya shab-e-omr ki

sabhi rahton ka madaar hai?

Mery ajnabi mery aashna

Keh dhooan dhooan si jo hai fiza

Yeh thami thami si jo hai hawa

Yeh jo shor hai dil-e-zaar ka

Kabhi is pe ghor kia hai kya

Mery ajnabi mery aashna

Kabhi kash tujh se main keh sakon

Keh yeh saaten hein kathan bahot

Miry zakhm-e-jaan ke tabeeb aa

Miry tan badan se bhi rabta rakh

Miri rooh k bhi qareeb aa

Mery ajnabi mery aashna

Kabhi tu ne khud bhi socha keh yeh piyas hai to keyon hai

Kabhi tu ne khud bhi socha keh yeh piyas hai to keyon hai

Tujhy paa k bhi mera dil jo udaas hai to keyon hai

Mujhy keyon aziz tar hai yeh dhoaan dhoaan sa mosam

Yeh hawa-e-shaam-e-hijran mujhy raas hai to keyon hai

Tujhy khho ke sochta hon mire daaman-e-talab mein

Koi khwaab hai to keyon hai koi aas hai to keyon hai

Main ujar ke bhi hon tera tu bichar ke bhi hai mera

Yeh yaqin hai to keyon hai yeh qiyaas hai to keyon hai

Miry tan barhana dushman isi gham mein ghul rahy hein

Keh miry badan pe salim yeh libaas hai to kyon hai

Kabhi pooch is ke dil se keh yeh khush mizaaj shaair

Bahot apni shaairi mein jo udaas hai to keyon hai

Tera kis ne dil bujhaya mery Aitebar Sajid

Yeh chiragh-hijar ab tak tery pass hai to keyon hai

Jo khiyal they na qiyas they wohi log mujh se bichar gaye

Jo khiyal they na qiyas they wohi log mujh se bichar gaye
Jo mohhbaton ki asaas they wohi log mujh se bichar gaye

Jinhey manta hi nahi ye dil wohi log mer hain hum safar
Mujhe har tarhan se jo ras they wohi log mujh se bichar gaye

Mujhe lamha bhar ki rafakaton ke sarab aur satayein gey
Meri umer bhar ki jo pyas they wohi log mujh se bichar gaye

Ye khiyal sarey hain aarzi ye gulab sarey hain kaghazi
Gul arzo ki jo bas they wohi log mujh se bichar gaye

Jinhey kar saka na kabool mein wo shareek e rah safar hoe
Jo meri talab meri as they wohi log mujh se bichar gaye

Meri dharkano ke kareeb they meri chah they mera khuwab they
Wo jo roz shab mere paas they wohi log mujh se bichar gaye

Tumhein jab milein kabhi Fursatein Mere Dil se Bojh utaar do

Tumhein jab milein kabhi Fursatein Mere Dil se Bojh utaar do
Me bahot dinon se Udas hun Mujhe koi Shaam udhaar do

Mujhe apne Roop ki Dhoop do Chamak sakein Mere Khad o Khal
Mujhe apne Rang main rang do Mere sare Zang utaar do

Kisi aur ko Mere Hal se na gharz hai na koi Wasta
Main Bikhar gaya hun Samait lo Bigar gaya hon Sanwar do

Meri Wehshatoon ko barha dia hai Judaiyon k Azaab ne
Mere Dil pe Hath rakh do Meri Dharkano ko Qarar do

Tumhein subah kaise lagi kaho meri khwahishon ke diyar ki
Jo bhali lage tu yahein raho isy chahton sy nikhar do

wahan ghar main kon hai muntazir keh ho fikr dair sawair ki
bari mukhtasar si yeh raat hai isy chandni mein guzar do

koi baat karni hai chand se kisi shakhsar ki aot mein
Mujhe raste main yahein kahein kisi kanj e gul mein utaar do

Us Ne Kaha Kh Mujh Se Kitna Pyar Hai

Us Ne Kaha Kh Mujh Se Kitna Pyar Hai
Main ne Kaha Sitaroon Ka Koi Shumar Hai?

Us Ne Kaha Kh Kon Tumhein Hai Bahot Aziz
Main ne Kaha Dil Pe Jise Ikhtiyar Hai

Us Ne Kaha Kh Kon sa Tuhfa Hai Maan Pasand??
Main ne Kaha Woh Shaam Jo Ab Tak Udhar Hai

Us Ne Kha Khizan Mein Mulaqaat Ka Jawaz??
Main ne Kha Qurb Ka Matlab Bahar Hai

Us Ne Kha Senkron Gham Zindage Mein Hain
Main ne Kaha Gham Nie– Gar Gham Gusar Hai

Us Ne Kaha Kh Sath Kahan Tak Nibhao ge?
Main ne Kaha kh Jitni Yh Saansoon Ki Taar Hai

Us Ne Kaha Mujh ko Yeqeen Aye Kis Tarah?
Main ne Kaha Nam Mera Aitbar Hai—!!!!

Miry humsafr teri nazr hein miri omar bhar ki dolten

Miry humsafr teri nazr hein miri omar bhar ki dolten

Miry shaer miri sdaqten miri dharkanen miri chahten

Tujhy jazb kr lon laho mein main keh firaq ka nah rahy khatar

Tiri dharkanon mein utar don main yeh khawab khawab rifaqten

Yeh rida-e-jan tujh ko sonp don keh nah dhoop tujh ko kari lgy

Tujhy dukh nah den mery jeety ji sar-e-dasht gham ki tmazten

Miri subh tiri sda se ho mri sham tiri ziya se ho

Yehi tarz parsish dil rakhen tiri khushboo ki sfarishen

Koi esi bazm-e-bahar ho main jahan yaqeen dila sakon

Keh tra hi naam hai fasl-e-gul keh tujhi se hein yeh kramten

Tira qarz hein miry roz-o-shabmiry pas apna to kuch nahin

Miri roh mira mtaa-e-fan miry sans tiri amanten

Tu ne ay rafiq-e-jan aor hi gul khila diye

Tu ne ay rafiq-e-jan aor hi gul khila diye

Bakhya gari ke shoq mien zakham nuy lga diye

Dast-e-hawa ne rait pe pehly bnay rasty

Phir mery ghar ke rasty ghar se tiry mila diye

Kitni thi ajnabi fiza pehly pehl firaq mein

Dard ke ishtraq ne dost kai bna diye

Aamad-e-yar ki khabar sun ke hum ehl-e-shoq ne

Palkon se gard saaf ki rasty mein dil bicha diy

Poocha tha kya pasand hai tujh ko mery biyaz mein

Us ne judaion ke shaer chun kar mujhy suna diy

Akhri sang meel tak sans ukhri chali magr

Pesh khyal tha koi hum ne qadm barha diye

Aik sitm zareef ne subh ke naam par

Apna dia bacha lia sab ke diy bujha diye

Kitna sukhan shanas tha taanh dia to yon dia

Aap ke fan ke rat jagy hijr ne jugmga diye

Charagh-e-jan ko bhi sapurd-e-hawa bhi us ne kia

Charagh-e-jan ko bhi sapurd-e-hawa bhi us ne kia

Phir apny aap ko waqf-e-duaa bhi us ne kia

Mery dukhon ki talafi bhi usi ke piyar ne ki

Shaoor-e-gham se mujy aashna bhi us ne kia

Diy se jlty rahy dil mein us ki yadon ke

Shab safr ko boht khushnuma bhi us ne kia

Kia usi ne mujy arz-e-haal pe majboor

Yeh soz harf-o-hkayat atta bhi us ne kia

Usi ne zehr dia mujh ko khud shanasi ka

Mujhy shikar-e-aazab ana bhi us ne kia

Main apni chup ke jazeery mein qaid tha Sajid

Mujy to waqif-e-sot-o-sada bhi us ne kia

Bheer hai sar-e-bazar kahen aor chalen

Bheer hai sar-e-bazar kahen aor chalen

Aa miry dil ghamkhawar kahen aor chalen

Koi khirki nahin khulti kisi bagheechy mein

Sans lena bhi hai dushwar kahen aor chalen

Tu bhi maghmoom hai mein bhi hon boht afsurda

Donon is dukh se hein dochar kahen aor chalen

Dhondhty hein koi sar sabz khushada si fiza

Waqat ki dhund ke us paar kahen aor chalen

Yeh jo phoolon se bhara shehr hoa krta tha

Is ke manzr hein dil aazar kahen aor chalen

Esy hangama mehshar mein to dam ghutta hai

Baten kuch aor krni hein is bar kahen aor chalen

Maut ki haqeeqat aor zindgi ke sehny ki

Maut ki haqeeqat aor zindgi ke sehny ki

Behas go porani hai phir bhi ik kahani hai

Aor kahaniyan bhi to waqt se ibarat hein

Lakh rokna chahen waqt ko guzarna hai

Hansty basty shehron ko aik din ujarna hai

Rahten hwaen hein chahten sadaen hein

Kya kabhi hwaen bhi dastars mein rehti hein

Kya kabhi sdaen bhi kuch palat ke kehti hein

Piyar bhi nahin rehta aor piyar ka dukh bhi

Aansoon ke darya ko aik din utarna hai

Khawahishon ko marna hai

Waqt ko guzarna hai

Tiry kanwal miry gulab sab dhoain mein kho gaye

Tiry kanwal miry gulab sab dhoain mein kho gaye

Muhabbaton ke the jo bab sab dhooain mein kho gaye

Hawaey hijr ne bujha diy tiry charagh sab

Miry najoom-o-mahtab sab dhoain mein kho gaye

Miri duaaen iltejaen sab hawa mein urr gaen

Tiry haroof bariyab sab dhoain mein kho gaye

Tehon se dil ki shola firaaq is tarh utha

Keh is ke baad apny khawab sab dhoain mein kho gaye

Jala rahy the kaghzi gharon mein mom batiyan

Hawa ne khaey pech-o-taab sab dhoain mein kho gaye

Hoen jo nazar aatish janoon tamam rahten

Mira qalm tiri kitab sab dhoain mein kho gaye

Woh ghar to khawab gah ke charagh ne jala dia

Kahan ki nind kesy khawab sab dhoain mein kho gaye

Us ne kaha mujh se tumhen kitna piyar hai

Us ne kaha mujh se tumhen kitna piyar hai?

Main ne kaha sitaron ka koi shumaar hai?

Us ne kaha keh kon tumhen hai bohot aziz?

Main ne kaha keh dil pe jisy akhteyar hai

Us ne kaha keh kon sa tohfa hai man pasand?

Main ne kaha woh sham jo ab tak udhar hai

Us ne kaha keh khizaon mein mulaqat ka jwaz?

Main ne kaha keh qurb ka matlb bahaar hai

Us ne kaha keh senkron gham zindgi mein hein

Main ne kaha keh gham nahin gar gham gusaar hai

Us ne kaha keh sath kab tak nibhao ge?

Main ne kaha keh jitni yeh sanson ki taar hai

Us ne kaha keh mujh ko yaqeen aye kis tarh?

Main ne kaha keh naam mera Aitbar hai

Band dareechy sooni galyan aor yahan anjany log

Band dareechy sooni galyan aor yahan anjany log

Kis nagri mein aa nikly hein Sajis hum deewany log

Din ko rat kahen so barhaq subh ko shaam so khoob

Apki baat ka kehna hi kya aap hoey farzany log

 Shikwa kya aor kesi shikayat akhir kuch bunyad to ho

Tum par mera haq hi kya hai tum tehry begany log

Suna hai uske ehd-e-wafa mein hawa bhi muft nahin milti

Har har sans pe in galyon mein bharty hein jurmany log

Magan kis dhun mein apny aap ko rakhta hai

Magan kis dhun mein apny aap ko rakhta hai

Najany ajkal woh kesy mamolat rakhta hai

Asasa us ke kamry ka hein kuch maghmoom awazen

Darwazon mein maqfal hijar ke naghmat rakhta hai

Humari guftegoo kis roz kis manzil pe ponhchi thi

Bala ka hafza hai yad woh har bt rakhta hai

Agr nalan hon main to woh bhi khush nahin mujh se

Mery jesy hi woh mery liy jazbat rakhta hai

Boht gehra hai uski zahiri halat pe mat jana

Woh seenon mein paharon se bary sadmat rakhta hai

Usy kya chand se bhi koi dilchaspi nahin sajid

Woh apni khirkiyon ko band keyon din raat rakhta hai

Dukhon ki shidaten zakhmon ki gehrai mujhy de do

Dukhon ki shidaten zakhmon ki gehrai mujhy de do

Maseeha tum sahi izn-e-maseehai mujhy de do

Tum apni zat mein khud anjman ho tum ko kya gham hai

Main tanha hon yeh zoq-e-bazm-e-aarai mujhy de do

Tum apny dil ke darwazy maqfal shoq se kar lo

Bas apni zat se izn-e-shanasai mujhy de do

Tumhary baad har manzar mujhy be rang lgta hai

Yeh aankhen chheen lo ya apni beenai mujhy de do

Main sanson mein samo lon ga tumhari har amanat ko

Yeh wehshat naak sanaty yeh tanhai mujhy de do

Main shaair hon mery bekaif be taseer lafzon ko

Amar kar do tum apny gham ki raanai mujhy de do

Kash meri koi baiti hoti

Kash meri koi baiti hoti

Bas main us se itna kehta

Dekho meri chand si gurya

Har dam Har pal

Tum khush rehna

Tanhai ke dukh mat sehna

Aor agr aisi mushkil ho

Chup mat rehna Mujh se kehna

Han main tumhary dukh ka madawa Kar skta hon

Tum ko khush rakhny ki khatir Main

Qiston mein mar sakta hon

Jis ko apni god mein pala

Us ke aansoo

Main apni be aab aankhon mein

Bhar sakta hon

Han main aisa kar skta hon

Kash meri koi baiti hoti

Meri rooh mein jo utar sken woh muhabbaten mujhy chahian

Meri rooh mein jo utar sken woh muhabbaten mujhy chahian

Jo sarab hon nah azaab hon woh rifaqten mujhy chahian

Unhi saaton ki talash hai jo kelandaron se utr gaen

Jo samy ke sath guzr gaen wohi fursaten mujhy chahian

Kahen mil saken to smait la mery roz-o-shab ki kahaniyan

Jo ghubaar-e-waqt mein chhup gaen woh hkaeten mujhy chahian

Jo meri shabon ke charagh the jo meri umeed ke bagh the

Wohi log hein meri arzoo Wohi soorten mujhy chahian

Teri qurbaten nahin chahian meri shairi ke mizaj ko

Mujhy faslon se dowam de teri furqaten mujhy chahian

Mujhy aor kuch nahin chahey Yeh duaaen hein mery saibaan

Kari dhoop mein kahen mil saken to yehi chhaten mujhy chahian

Kitni badal chuki hai rut jazby bhi woh nahin rhy

Kitni badal chuki hai rut jazby bhi woh nahin rhy

Dil pe tery firaq ke sadmy bhi woh nahin rhy

Mehfil shab mein guftego ab ke hoi to yeh khula

Baten bhi woh nahin rahen lehjy bhi woh nahin ahy

Huliye badal ke rakh diy jesy shab-e-firaq ne

Aankhen bhi woh nahin rahen chehry bhi woh nahin rahy

Uska mah-e-jmaal bhi goya gharoob ho chala

Apny wafoor-e-shoq ke charchy bhi woh nahin rahy

Hosh-o-khurd gnwa chuky khud se bhi door ja chuky

Log jo tery the kabhi apny bhi woh nahin rahy

Yeh bhi hoa keh tery baad shoq-e-safr nahin raha

Jin pe bichy hoye the dil rasty bhi woh nahin rahy

Chahaton ke besamar besood Khawabon mein rakha

Chahaton ke besamar besood Khawabon mein rakha

Omar bhar na haq tu ny mujhy srabon mein rakha

Kya mila tujh ko meri mati jo ki tu ne kharab

Kiyon tu ne mujhy tamana ke azabon mein rakha

Ik ridaye waada farda ki dilkash aardh mein

Khawab janat ke dikhaye aor kharabon mein rakha

Rooh ko hum kharzaron mein liy phirty rahy

Jaan -o-dil ko mubtela kitny azabon mein rakha

Ik dil zindh ko pathar ki sil mein rakh dia

Ik gul-e-shadab ko murdh kitabon mein rakha

Ay qaza parwar yeh tu ne mery sath kya kia

Ay ajl-e-pesha mera dukh kin hisabon mein rakha

Tum ko to yeh sawan ki ghata kuch nahin kehti

Tum ko to yeh sawan ki ghata kuch nahin kehti

Hum sokhta logon ko yeh kya kuch nahin kehti

Ho lakh koi shor machata hoa mausam

Dil chup ho to bahir ki fiza kuch nahin kehti

Kiyon rait pe bethy ho jhukaye hoye sar ko

Kya tum ko samandr ki hawa kuch nahin kehti

Pochha keh shikayat to nahin hai usy hum se

Ahista se qasid ne kaha kuch nahin kehti

Pochha keh judai ka koi hal bhi nikala

Qasid ne dobara yeh kaha kuch nahin kehti

Ay nukta-e-dard yeh to btao keh sar-e-shab

Kya shama frozan se hawa kuch nahin kehti

Main kisy suna raha hon yeh ghazal mohabbaton ki

Main kisy suna raha hon yeh ghazal mohabbaton ki

Kahen aag sazishon ki kahen aanch nafraton ki

Koi bagh jal raha hai yeh magar meri duaa hai

Mery phool tak nah ponhchy yeh hawa tmazton ki

Mera kon sa hai mausam mery mausamon ke wali

Yeh bahar be dili ki yeh khizan morawaton ki

Main qadeem bam-o-dar mein inhen ja ke dhondta hon

Woh diyar nikhaton ke woh fizaen chahton ki

Kahen chand ya sitary hoye hum kalaam mujh se

Kahen phool sihriyon ke kahen jhariyan chhaton ki

Mery kaghzon mein shayad kahen ab bhi so rahi ho

Koi subh gulistan ki koi shaam parbaton ki

Yeh nahin keh sary jahan mein mujhy humsafr hi nahin mila

Yeh nahin keh sary jahan mein mujhy humsafr hi nahin mila

Sabhi aitbar ke sath thy koi motbar hi nahin mila

Meri nabaz chhoo ke to dekhta keh shakista dil ki hai sada kya

Mera lailaj marz nah tha koi chara gar hi nahin mila

Kabhi shehr chhan liy gaye kabhi khemy taan liy gaye

Jisy dekhta tha main khawab mein mujhy woh nagar hi nahin mila

Mujhy woh makeen hi nahin mily jinhen meri zaat se piyar ho

Jisy apna ghar main samjh sakon mujhy aisa ghar hi nahin mila

Raha muztarib mera shoq bhi mera sajda karny ka zoq bhi

Mujhy sang-e-rah to bahot mily tera sang-e-dar hi nahin mila

Sabhi apny apny garoh ke gham-e-arzoo ka shikar the

Kisy main dikhata yeh zakham-e-dil koi deeda war hi nahin mila

Sakoon dard ko gham ko dawa bnati hai

Sakoon dard ko gham ko dawa bnati hai

Yeh shairi hai ajab mojzy dikhati hai

Kisi ke paon ki aahat kisi ki sargoshi

Hawaye hijr sadaen bahot sunati hai

Badalny lagti hai har gaam par sarab ki shakl

Haye dasht bahot sabar azmati hai

Us se shikwa bhi rehta hai talkh goi ka

Keh jis se apni tabiyat qarar pati hai

Tumhari mujh se mulaqat bhi achanak thi

Tumhara mil ke bicharna bhi hadsati hai

Kahen yeh koi nai sazish-e-hawa to nahin

Keh kuch charagh bachati hai kuch bojhati hai